Диёри гулафшон

http://www.zoofirma.ru/
  • Предыдущая
  • 1 of 3
  • Следующая
Недоступен ни однин перевод.

Шаҳри Ҳисор яке аз манотиқи ҳамешасабз ва биҳиштдомони кишвар буда, бо чашмаоби мусаффою табиати баҳорандоми худ диққати ҳар раҳгузару сайёҳро ба худ ҷалб менамояд. Шоҳроҳи Душанбе-Ҳисор-Турсунзода аз роҳҳое маҳсуб меёбад, ки бо ҳидояти Пешвои миллат, муҳтарам Эмомалӣ Раҳмон дар замони соҳибистиқлолии кишвар ҷавобгӯй ба талаботи меъёрҳои байналхалқии соҳавӣ бунёд гардидааст. Аз қалмрави шаҳр 24 км роҳи мазкур убур мешавад ва барои дилрабоии он 16 минтақаи парвариши гул бунёд гардида, дар чор фасли сол шукуфону ҳуснбахши диёр аст. Бо мақсади гузаронидани корҳои агротехникӣ ва буридану қаламча кардани гулҳо давоми рӯз аъзоёни хоҷагиҳои деҳқонии ва истиқоматкунандагони шаҳр ба иҷрои ин амал сафарбар гардида, буриш ва парвариши беш аз дусад ҳазор қаламчаи гул дар назар аст. Иҷрои ин амал дар баҳори оянда метавонад, барои бо қаламчаи гул таъмин кардани ҷамоатҳои шаҳраку деҳот мусоидат намояд. Дасти инсон гул аст - мегӯянд дар урфият ва он рӯз дур нест, ки бо шарофати гулдастони Ҳисор ин диёри куҳанбунёд гулафшону гулбасартар гардад.

Суроға: ш. Ҳисор, кӯчаи И. Сомонӣ 10  Телефон: +992-3139-2-53-02
Факс: +992-3139-2-53-68 E-mail: mihd_hisor@mail.ru