Боздиди ҷавонони Хатлон аз Қалъаи Ҳисор

http://www.zoofirma.ru/
  • Пешина
  • 1 of 3
  • Минбаъда

Рӯзи 22 апрели соли ҷорӣ ба муносибати Соли ҷавонон 110 нафар ҷавонони аъзои фаъоли ТҶҶ «Созандагони Ватан» аз вилояти Хатлон ба шаҳри Ҳисор ташриф оварда, аз Қалъаи бостонии Ҳисор дидан намуданд. Меҳмонон вориди маҳзани давлатии нигоҳдории осорҳои меъморӣ, ҳафриётӣ, таърихӣ, бадеӣ ва дигар ёдгориҳои моддӣ ва маънавӣ гардида, бо осорҳои маҳфузбуда, шинос шуданд. Инчунин дар бораи маҷмааи ёдгориҳои таърихию меъмории Қалъаи Ҳисор, Дарвозаи Арк, Мадрасаи куҳна, Мадрасаи нав, Корвонсарой, деворҳои боқимондаи атрофи шаҳри бостонии Ҳисор ва оид ба ҷойи мирнишин, ки айни замон сохтмони он идома дорад, маълумот гирифта, дар ин ҷойҳои таърихӣ аксҳои хотиравӣ гирифтанд. Баргузории чунин чорабиниҳо дар баробари ошноӣ бо табиати диёр метавонад, ки эҳсоси худогоҳию худшиносии миллиро дар замири ҷавонон дучанд намояд. Ҷавонони хатлонзамин барои пазироӣ ва эътиқод ба аҳди ҳамдилию ҳамзабонӣ изҳори сипосу эҳтиром доштанд.

Суроға: ш. Ҳисор, кӯчаи И. Сомонӣ 10  Телефон: +992-3139-2-53-02
Факс: +992-3139-2-53-68 E-mail: mihd_hisor@mail.ru