Санҷиши омодагӣ ба мавсими кишт

http://www.zoofirma.ru/
  • Пешина
  • 1 of 3
  • Минбаъда

Бо иштироки намояндаи Вазорати кишоварзии Ҷумҳурии Тоҷикистон, мутахассисони Раёсати кишоварзии шаҳр давоми чанд рӯз аст, ки вазъи омодагии техникаҳои соҳаи кишоварзии хоҷагиҳои ҷамъиятӣ ва деҳқонии ҳудуди шаҳр мавриди санҷиш қарор дорад. Баргузории чунин амал дар хоҷагии кооперативии «Латиф Муродов» гувоҳӣ аз он дорад, ки техникаҳои соҳавӣ ба мавсими кишти баҳорӣ ба пуррагӣ омода буда, мутахассисон дорои малакаи касбӣ мебошанд. Бояд тазаккур дод, ки хоҷагии кооперативии «Латиф Муродов» серсоҳа буда, аъзоёни хоҷагӣ ба парвариши чорвои хушзот, зироатпарварӣ, чорводорӣ ва пахтакорӣ машғуланд, Мавҷудияти беш аз 60 техникаи соҳавӣ мададрасони аъзоёни хоҷагӣ буда, мутахассисон дар вақти омӯзиш ба аъзоёни хоҷагӣ дастуру маслиҳати судманд низ баён доштанд. Санҷиши омодагии техникаҳои соҳаи кишоварзӣ дар дигар хоҷагиҳои ҳудуди шаҳр идома дорад.

Суроға: ш. Ҳисор, кӯчаи И. Сомонӣ 10  Телефон: +992-3139-2-53-02
Факс: +992-3139-2-53-68 E-mail: mihd_hisor@mail.ru