Ҷилои ахтар

http://www.zoofirma.ru/
  • Пешина
  • 1 of 3
  • Минбаъда

Тарғиби санъати аҷдодии «Шашмақом» дар солҳои соҳибистиқлолии Тоҷикистон ба як самти муҳими рушди тамаддуни миллӣ табдил ёфта, дар ҳама шаҳру ноҳияҳои мамлакат дастаҳои махсус таъсис ёфта, беҳтарин чеҳраҳо ва ҳунармандонро гирд овардаву ин санъати волоро тарғиб менамоянд. Бояд тазаккур дод, ки дар шаҳри Ҳисор низ ансамбли шашмақомхонон амал мекунад ва ҳунармадони ин дастаи ҳунарӣ дар байни мардум бо суруду оҳангҳои офаридаи худ шуҳратёр гаштаанд.
Фарангис Гиёзода низ яке аз ахтарони тозаҷило дар ин намуди санъат буда, бо овози маҳин, чеҳраи зебо ва оҳангу сурудҳои марғуб маҳбуби дӯстдорони санъати «Шашмақом» гардидааст. Нахустбарномаи консертии ин ҳофизаи ҷавон, ки дар Қасри фарҳанги шаҳри Ҳисор баргузор гардид, ки санъати шашмақом ва иҷрои сурудҳои классикиро тавонист дар сатҳи олӣ, бо маҳорати шоистаи аҳсан мақбули ҳамагон гардонад.
Дар оғози чорабинӣ номаи Табрикотии раиси шаҳри Ҳисор Шарифҷон Ҷумазодаро муовини раиси шаҳр ба самъи ҳозирин расонд ва ба ин чеҳраи навпадиди олами санъат дар роҳи пурмашаққату боифтихори эҷодкорӣ фатҳи қуллаҳои азими эҷодиро таманно намуд.
Ба Фарангис Гиёзода дар фаъолияти минбаъда барору кушоиш ва офаридани сурудҳои баландмазмунро таманно дорем.

Суроға: ш. Ҳисор, кӯчаи И. Сомонӣ 10  Телефон: +992-3139-2-53-02
Факс: +992-3139-2-53-68 E-mail: mihd_hisor@mail.ru