Дунё пур аз ҷавонист.

http://www.zoofirma.ru/
  • Пешина
  • 1 of 8
  • Минбаъда

Бахшида ба Рӯзи ҷавонони Тоҷикистон дар варзишгоҳи “Ҷавонӣ”-и шаҳри Ҳисор чорабинӣ  баргузор гардид ва раиси шаҳри Ҳисор дар номаи табрикотии худ зикри он дошт: “Дар ин рӯзи фараҳбахшу муборак  ҷавонони диёрамонро аз номи худ ва мақомоти иҷроияи ҳокимияти давлатии шаҳри Ҳисор ба муносибати Рӯзи ҷавонони Тоҷикистон шодбош гуфта, ба шумо ҷавонони ояндасози кишвар ва номбардорони арзандаи ниёгони сарбаланд бурдборию комгориҳо таманно менамоям.

Шумо намояндагони насли ҷавони кишвар воқеан саодатёр аз он ҳастед, ки пайваста муҳимтарин иқдом ва ибиткороти Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон барои дастгирӣ ва ташаккули тафаккури миллӣ, фарогирии донишҳои ҷаҳони муосир ба талаботи имрўз нигаронида шудааст. Пешвои миллат, муҳтарам Эмомалӣ Раҳмон дар мулоқоти худ бо намояндагони ҷавонони мамлакат таъкид намуданд ҳар тадбире, ки дар мамлакат андешида мешавад, пеш аз ҳама ба беҳдошти ҳаёти ҷавонон равона шудааст.»

Пас аз сухани табрикотии раиси шаҳр барномаи консертӣ бо иштироки беҳтарин аҳли санъати мамлакат баргузор гардид. Рӯҳияи идона ва ҳамдастии шодмонии насли ҷавони кишвар шаҳодат аз он дорад, ки онҳо бо шукргузорӣ аз фазои орому осуда ва ғамхорию ҳидоятҳои падаронаи Пешвои миллат муҳтарам Эмомалӣ Раҳмон омодаанд минбаъд низ дар рушду пешрафти Тоҷикистони азиз саҳмгузор бошанд.

Ид муборак, ҷавонони саодатёри Ватан.

Суроға: ш. Ҳисор, кӯчаи И. Сомонӣ 10  Телефон: +992-3139-2-53-02
Факс: +992-3139-2-53-68 E-mail: mihd_hisor@mail.ru